Cyngor ar losgi dan realaeth

Helo – Paul Kay ydw i, Rheolwr Diogelwch Tân.

Mae'r tymor llosgi wedi ailddechrau ers y 1af o Hydref – gall ffermwyr a thirfeddianwyr ledled Cymru losgi grug, glaswellt, rhedyn ac eithin yn ystod y cyfnod hwn hyd at 15 Mawrth (hyd at 31ain o Fawrth mewn ardaloedd Ucheldir).

Mae rheolau cyfreithiol llym ar gyfer llosgi – ac mae’n rhaid bod gennych gynllun llosgi yn ei le i sicrhau eich bod yn llosgi’n ddiogel.

Rydym wedi gweld sut mae tanau gwyllt yn peryglu bywydau – bywydau ein cymunedau yn ogystal â bywydau ein diffoddwyr tân. Mae'r tanau hyn yn clymu ein hadnoddau pan allai fod eu hangen arnom mewn argyfwng arall. Ym mis Mawrth 2022 bu cynnydd sylweddol yn nifer y tanau gwyllt a fynychwyd gennym yng Ngogledd Cymru – aethon nhw i fyny 264%.

Mae'r cynnydd mewn tymheredd byd-eang yn effeithio ar dyfiant llystyfiant ac o ganlyniad, gall y cyfnod llosgi dan reolaeth gyd-fynd ag amodau sychach nag arfer ar y tir, mwy o lystyfiant a gweithgaredd bywyd gwyllt.

Felly fy apêl yw hyn – os ydych yn llosgi, cymerwch ofal arbennig, dilynwch eich cynllun llosgi a ffoniwch ni ar 01931 522006 i roi gwybod i ni am amser a lleoliad y llosgi.

Gyda'n gilydd gallwn helpu i atal tanau gwyllt a diogelu ein cefn gwlad.

Darllenwch mwy yma.